Agrupación Musical do Rosal

Director

José Javier Bascoy Iglesias

Nace na cidade da Coruña no ano 1990. Recibe as súas primeiras leccións no Conservatorio Profesional de Música da Coruña, con Carlos Badenes e Margarita Soto. Alí completa os estudos de Grao Profesional, tendo tamén entre outros mestres a Bernardo Méndez ou a Carlos Soto. Posteriormente cursa estudos de Grao Superior na especialidade de trombón no Conservatorio Superior de Música da Coruña, tendo como profesores a Iago Ríos e Arturo Centelles. Asistiu a cursos e clases de perfeccionamento con mestres como Jacques Mauger, Enrique Ferrando, Rubén Prades, Simeó Galduf, Alberto Urretxo, Unai Urretxo, Francisco Rosario ou Elíes Hernandis (este último na especialidade de sacabuxe).

Foi alumno da Orquestra Xoven da Sinfónica de Galicia, onde recibiu clase de Petur Eiriksson e Jon Etterbek, e formou parte doutras formacións como a Orquestra “Gaos” ou o Coro Xoven da Sinfónica de Galicia. É membro da Banda de Música Municipal da Estrada (Pontevedra) e colabora habitualmente con diversas bandas de música galegas. No eido da música de cámara gañou Segundo e Primeiro premios en 2008 e 2009 respectivamente, no Concurso de Música de Cámara Caixanova, co Grupo de Metais “Vibrass”.

Da os seus primeiros pasos no ámbito da dirección da man de Francisco Xavier Vidal, e máis tarde coa axuda inestimable de Rafael Agulló (director da B.M. de Silleda e da Banda de Música de Pontevedra). Asistiu tamén a cursos e clases doutros mestres como Francisco Javier Gutiérrez, Pilar Bañó, José Rafael Pascual-Vilaplana ou Simone Fermani. Ten dirixido formacións como a Banda de Música “Sementeira” de Cambre ou a Banda Xuvenil de Silleda, e participou na formación da Banda Filharmónica do Salnés. Con esta última agrupación ten a oportunidade de gravar varios concertos, e tamén de estrear transcricións e arranxos propios. Participa tamén, ocasionalmente, dirixindo outro tipo de formacións e ensembles.

Exerceu como profesor na Escola de Música de Arteixo (A Coruña), na Escola Municipal de Música de Santiago de Compostela, e na Escola Municipal de Música de Silleda (Pontevedra) e foi director da Banda de Música Xuvenil de Xinzo (Ponteareas).

Na actualidade cursa estudos de Dirección de Orquestra e Coro no Conservatorio Superior da Coruña e, dende setembro de 2015, é director da banda e a escola de música da Agrupación Musical do Rosal (Pontevedra).

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR